Grunzke… Oliver Grunzke

Us dem Dunkle en et Leech
Gedanke nohm Charlie Chaplin

Jede Minsch sollt däm andere helfe.
Nur esu verbessere mer de Welt.
Mer sollten am Glöck vun andere deilhan
un et im nit neide.
Wat mer veraachte, brängk uns nit nöhter!
Hee op der Welt es Plaatz för se all,
de Mutter Ääd es rich genog.
Jeder vun uns künnt satt wäde.
Et Levve, dat künnt wunderbar sin!
Mer müsse bloß wieder liere, ze levve.
Wie off es Gods en de Minsche verschödd gegange.
Sin uns Siele ald vergeff?

Mer han neu Saache op de Bein gebraht,
ävver selvs si’mer stonn geblevve.
Wat nötz uns all et Wesse, uns Klogheit,
wa’mer ennerlich stonn blieve?
Mer spreche un föhle nit deef genog,
un wo bliev dann de Minschlichkeit?
Mer han Maschine, die för uns arbeide,
ävver zoeesch kummen de Metminsche.
Ohne de Leev, de Gedold es uns Levve nix wäät.

Us dem Dunkle künne mer an et Leech kumme,
en de neu Welt, wo de Hoffnung litt.
En Zokunf, die uns all gehööt.

Quelle: Infoheft Akademie för uns kölsche Sproch, Nov. 2004 – April 2005